Scholz: Vrasjet e civilëve në Bucha janë krime lufte

16:48 | 9 Prill 2022
Artan Maliqi

Autorët e vrasjeve të civilëve në qytetin ukrainas Bucha, afër Kievit, ishin fajtorë për krime lufte dhe duhet të mbahen përgjegjës, ka thënë kancelari gjerman Olaf Scholz.

Që kur trupat ruse u tërhoqën nga Bucha javën e kaluar, zyrtarët ukrainas thonë se qindra civilë janë gjetur të vdekur.

Scholz thotë se “Kjo është diçka që nuk mund ta harrojmë. Ne nuk mund të anashkalojmë se ky është një krim. Këto janë krime lufte që ne nuk do t’i pranojmë… ata që e bënë këtë duhet të mbajnë përgjegjësi”.

Scholz ka thënë se Gjermania do të vazhdojë të furnizojë Ukrainën me armë mbrojtëse, raporton bbc.

Nënkryetari i bashkisë së Buchas thotë se më shumë se 360 civilë u vranë, me rreth 260-280 të varrosur në një varr masiv nga banorë të tjerë.

Rusia ka mohuar kryerjen e vrasjeve dhe i ka quajtur akuzat një “falsifikim monstruoz”. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm